Bandvefslosun
Body Reroll
Næstu námskeið
Skráning er hafin á öll eftirfarandi námskeið með því að senda tölvupóst á hekla@bandvefslosun.isBandvefslosun og Jóga Nidra
með Heklu og Hildi
20.apríl. kl.10:45
verð 25.400 kr.
Eitt pláss eftirBandvefslosun með Heklu
Samkennd Heilsusetri
Hefjast í september
mán 18:15 örfá pláss laus
hefst 20.apríl
þri 16:45 í haust
Þri 18:00 í haust
verð 25.400 kr.Bandvefslosun og Jóga Nidra
Táp sjúkraþjálfun
hefst 15. apríl
mið 10:45
mið 12:10
verð 24.000 kr.Yin Jóga og Bandvefslosun
með
Heklu og Hildi
Hefst í septemberÖll námskeið eru 7 skipti og kennsla einu sinni í viku.Frekari upplýsingar eru á Instagram eða senda fyrirspurnir í tölvupósti.
"Body Reroll er það allra besta sem ég hef kynnst til að vinna á stífleika og bólgum í líkamanum.
Eftir að ég byrjaði á námskeiði hjá Heklu þá hef ég upplifað aukinn liðleika og bætta hreyfifærni.
Smám saman hafa verkir og doði minnkað og líkamleg líðan orðið betri. Get ekki mælt nógu mikið með Heklu.
Hún er ekki bara dásamleg heldur fagmaður fram í fingurgóma!"
Marín Ólafsdóttir
Um Mig
HVERS VEGNA FÓR ÉG AÐ STUNDA BANDVEFSLOSUN ?Bandvefslosun hefur hjálpað ótal mörgum að líða betur í eigin líkama og sál og ég er ein af þeim. Eftir að hafa lent í slysum og áföllum og verið frá vinnu í 14 ár fékk ég annað tækifæri. Ég fór í fyrsta tímann minn í sjálfsnuddi árið 2014 og fann strax að þetta æfingakerfi átti mjög vel við mig. Ég fann fljótt mun og ákvað þremur árum síðar að fyrst þetta gat hjálpaða mér svona mikið þá langaði mig að taka kennararéttindi og hjálpa öðrum að líða betur. Ári síðar eða 2018 fór ég í nám og útskrifaðist sem einkaþjálfari og 2019 útskrifaðist ég sem The Roll model method kennari eða kennari í bandvefslosun. Árið 2020 ákvað ég að koma með mitt eigið æfingakerfi sem kallast Body Reroll en það gengur út á að vinna í ró og losa spennu án þess að mynda spennu. Það eru náin tengsl milli tauga- og bandvefskerfisins og senda skyntaugar bandvefs skilaboð til taugakerfisis um líðan okkar. Kerfið byggir að miklu leyti á þessum tengslum því það er mikilvægt að þessi boð séu jákvæð! Námskeiðin eru fyrir alla og kennslan hugsuð þannig að hver og einn geti verið í ró meðan á tímanum stendur. Boltarnir sem notaðir eru í bandvefslosun gefa eftir svo þeir erti ekki taugakerfið og eru til sölu víða og má sjá útsölustaði neðar á síðunni.Gefðu þér tíma fyrir þig og láttu þér líða betur í eigin líkama og sál.Tek vel á móti þér
Hlýjar kveðjur,
Hekla
Retreat með Hildi og Heklu
Næsta ferð fyrir 2026 hefur verið auglýst og forsala hefst 9. apríl kl.20:00 en þetta er árleg ferð í nóvember.Hér eru frekari upplýsingar
☆ Retreat - Endurræstu taugakerfið þitt ☆Helgina 6.-8. nóvember 2026Forsala hefst fimmtudaginn 9. apríl kl. 20.00Almenn sala hefst mánudaginn 13. aprílHildur og Hekla leiða hóp kvenna í nærandi samveru, mjúkt jóga, bandvefslosun og jóga nidra svo eitthvað sé nefnt.Við munum finna líkamann slakna, vöðvana og bandvefinn mýkjast, hugann kyrrast og kviðvöðvana krumpast - já við ætlum nefnilega að hlæja saman líka - neikvæða orkan fær ekki far með okkur út úr bænum 🤍Þetta retreat verður nærandi fyrir öll skynfæri og við munum m.a. njóta í jógarýminu, náttúrunni, Hraunböðunum og í Hlöðunni í dásemdar hlaðborði.Helgin er pökkuð af djúsí dagskrá sem hefst kl 18.00 með samveru í jógasalnum á Miðhrauni.Þar tökum við á móti hópnum, snæðum saman léttan kvöldmat og kynnumst aðeins hvorri annarri.Mjúkir tímar bæði laugardag og sunnudag, dásemdar morgunverðarhlaðborð, náttúrunæring og kvöldverðarhlaðborð á laugardagskvöldinu svo eitthvað sé nefnt.Innifalið fullt fæði alla helgina.Við sendum svo þátttakendur heim á sunnudagsseinnipart með veglegan gjafapoka og kannski líka fjársjóð úr fjörunni og með einstaka orku í hjarta ✨️
Nánari dagskrá verður kynnt fyrir þátttakendum síðar en við lofum því að þetta verður dásamlegt.Herbergin eru 2ja-3ja manna. Sameiginleg baðherbergi, setustofa og eldhús eru í húsunum.Aðeins tvö herbergi eru með sér baðherbergi og greitt er aukalega 5.000,- kr. á mann fyrir þau herbergi og fyrstur kemur fyrstur fær.Verð fyrir helgina er 94.900,- ef öll ferðin er greidd í einu lagi við skráningu.
Annars er ferðin á 99.900,- og greiðist þá 50.000,-kr. staðfestingargjald við skráningu og fullri greiðslu þarf að vera lokið í síðasta lagi 1.sept.
Staðfestingargjald fæst ekki endurgreitt nema hætt verði við ferðina.Allar vangaveltur og fyrirspurnir velkomnar 🤍Sendu okkur línu með netfanginu þínu til að fá tölvupóst þegar salan hefst!
hekla@bandvefslosun.is
jogatilthin@samkennd.is
Með tilhlökkun og fallega orku í hjarta...
Hildur & Hekla
✨️🌿💚🌿✨️
@jogatilthin
@bandvefslosun
Til að skrá þig í ferðina þarftu að senda okkur tölvupóst á hekla@bandvefslosun.is eða jogatilthin@gmail.com til að vera viss um að það séu laus pláss.
Kennaranámskeið
Kennaranámskeið í Body Reroll / Bandvefslosun eru haldin um það bil fjórum sinnum á ári. Næsta verður haldið 12. og 13. september og skráning er hafin. Tryggðu þér pláss sem fyrst.Body Reroll gengur út á að vinna í ró og ná að róa taugakerfið sitt niður um leið og bandvefur og vöðvar eru nuddaðir. Þetta kerfi hjálpar til við að:
draga úr verkjum og minnka vöðvaspennu,
auka hreyfifærni, hreyfanleika og liðleika,
bæta líkamsstöðu,
undirbúa líkamann fyrir átök,
og draga úr streitu og flýta fyrir endurheimt.
Þetta eru rólegir tímar sem henta öllum.
Body Reroll er æfingakerfi frá Heklu Guðmunds sem er einstakt að því leyti að taugakerfið er róað um leið og bandvefur og vöðvar fá mjúkt nudd.Líkami þinn á skilið annað tækifæri!
Body Reroll er æfingakerfi sem hjálpar þér að líða betur í eigin líkama og sál. Þetta æfingakerfi hentar öllum, allt frá byrjendum eða þeim sem eru með mikla verki og til afreksfólks í íþróttum.Í Body Reroll notum við bolta til að nudda auma vöðva og bandvef líkamans. Bandvefur er stoðvefur sem hefur þann tilgang að tengja saman mismunandi vefi og vera milliliður í flutningi næringarefna og taugaboða. Ef rennsli milli bandvefslaga minnkar verður vefurinn þurr sem getur haft áhrif á hreyfigetu. Bakverkir, höfuðverkir og skert hreyfigeta eru algengar afleiðingar af of stífum bandvef.
Stífni í herðablaði getur leitt upp í höfuð og stífni í mjöðm og lærum geta einnig haft mikil áhrif á bakið.Kennaranámið eru 4 sinnum á ári og næsta verður haldið 12.-13. september. Nemendur mæta eina helgi frá kl.9:00 til 16:00 báða dagana. Velkomið er svo að vera í sambandi upp á ráðgjöf eftir námskeiðið.Fyrri dagurinn er bókleg kennsla og er þá farið í staðreyndir um bandvefskerfið, uppbyggingu bandvefs, eiginleika og hlutverk. Einnig er farið yfir líkamsvitund, hvað ber að varast, hvað þarf sérstaklega að hafa í huga því stundum erum við með stóran hóp af fólki með mjög mismunandi þarfir og þá er spurning hvernig við sinnum öllum í einu. Einnig farið í taugakerfið og flökkutaugina. Uppsetning er hugsuð þannig að nemendur fái sem bestu kennslu til að geta nýtt sér efnið til kennslu eftir útskrift.
Seinni dagurinn er verkleg kennsla og er þá farið mjög vel yfir allar æfingar og mismunandi útfærslur svo æfingarnar henti öllum.Að lokum er útskrift þar sem allir fá skírteini sem gefur réttindi til að kenna Body Reroll. Kennari er svo til staðar eftir útskrift og ef einhverjar spurningar eru þá er sjálfsagt að hafa samband.Þar sem rannsóknir hófust ekki fyrr en upp úr 1960 og greinin enn ung og nýjar rannsóknir koma ört en í vinnslu er framhaldsnámskeið fyrir þá sem hafi þegar hafa tekið fyrra.Flest félög taka þátt í kostnaði þessa námskeiðs.Verð 95.000 kr
Næsta námskeið verður haldið 21. og 22. febrúar næstkomandi. Námskeiðið er fullbókað en endilega hafðu samband svo hægt sé að áætla hvort þurfi að bæta öðru námskeiði við.UmsögnÉg var búin að fylgjast með Heklu í Bandvefslosun á Instagram í þó nokkurn tíma ásamt því að hlusta á hlaðvörp (podcast) þar sem hún fór yfir sína sögu og kynnti bandvefslosun fyrir hlustendum. Ég fann strax að þetta væri eitthvað fyrir mig og væri virkilega áhugavert. Þó er það nú þannig að það er eins og hlutirnir þurfi stundum að fá að "gerjast" innra með manni og það var einmitt þannig í mínu tilfelli því það liðu þó nokkrir mánuðir frá fyrstu kynningu þar til ég fór í fyrsta tímann minn (pop up tíma) en þá var ekki aftur snúið, ég var ákveðin í að skella mér á kennaranámskeið!
Kennaranámskeið Heklu stóðst allar mínar væntingar og meira til. Námskeiðið er vel skipulagt og auðveldlega má finna að Hekla leggur hug og hjarta í allt sem viðkemur kennsluefni og framsetningu námsefnis ásamt yfirferð á verklegum þætti námskeiðsins. Persónuleg nálgun hennar er eins og rauður þráður í gegnum áðurnefnda þætti sem skapar fallega og faglega heild. Listakonan Hekla er eins og vefari sem vefur saman af miklu listfengi bóklega þekkingu á sínu sviði og reynslu af lífi og starfi.Kær kveðja,
Berglind Guðmundsdóttir
Meðmæli
Ég er 53 ára og hef alltaf verið vel virk og stundað þannig æfingar sem krefjast hraða og styrks ég hélt það væri það eina til að ná árangri.
Vinkona mín benti mér á kennaranámskeið hjá Heklu Guðmundsdóttir og ég ákvað að skella mér á námskeiðið.
Fyrri dagurinn snerist um sýnikennslu á beinagrindinni Bubba til þess að við sjáum hvaða árhrif boltarnir hafa á innri líkamann, bandvefinn, taugar og æðakerfið.
Seinni dagurinn fórum við í æfingarnar um hvernig við rúllum líkamann, hér voru margar og góðar æfingar ásamt ítarlegum útskýringum á hvað við vorum að vinna með í hverri rúllu.Hekla er með mikla reynslu og þekkingu um líkamann, kennir af áhuga og heilhug og svarar öllum vangaveltum sem upp koma. Hekla segir svo vel og vandað frá að það var aðdáunarvert að læra hjá henni, allt vel skipulagt og kennt á áhugaverðan hátt.
Það sem kom mér mest á óvart var hvaða áhrif þetta hafði á mig líkamlega mér fannst losna um stíflur og líkaminn varð mun léttari en ekki svona stífur eins og áður.
Orkan reis upp og ég er ekki svona þreytt á líkama og sál.Líkaminn er ekki alveg svona ókunnugur eins og hann var heldur veit ég svo miklu meira, hlusta betur á líkamann minn og hvað hann er að segja mér.
Harkið sem ég var í var ekki það sem mig vantaði ég þurfti að hægja á mér og líðanin er svo miklu betri. Kosturinn við námskeiðið er eftirfylgnin sem Hekla býður upp á til að halda okkur við efnið og geta fengið svör við því sem á efir að koma upp.
Hekla er viskubrunnur, notaleg og með yndislega nærveru sem skilar sér svo vel í kennslunni.
Ég er miklu fróðari eftir kennaranámskeiðið í bandvefslosun (Body Reroll) og mæli ég eindregið með kennaranámskeiðinu fyrir alla það kemur virkilega á óvart.
Takk fyrir mig Hekla Guðmundsdóttir.Kveðja Svanhvít Una Yngvadóttir.
Útsölustaðir nuddbolta
Eirberg
Stórhöfða 25, 110 ReykjavíkDharma heilsa
Tunguhálsi 19, 110 Reykjavík.
Netverslun: dharmaheilsa.is
Einnig fást allir boltar á stofunni.Fjarðarkaup, Hólshrauni 1, 220 Hafnarfirði
Selur Nuddbolta miðstærð, Nuddbolta stóra,blöðrubolta og Hnetuna.Hreyfing Heilsurækt, Álfheimar 74,104 Reykjavík.
Selur Nuddbolta miðstærð, Nuddbolta stóra og Blöðrubolta.Hress Heilsurækt, Dalshrauni 11,
220 Hafnarfirði.
Selur Nuddbolta miðstærð.Lyfja
Smáratorgi, Smáralind og Lágmúla selur nuddbolta miðstærð.Sporthúsið Kópavogi, Dalsmára 9 til 11.
Selja nuddbolta miðstærð og stóra.Heilslubúð NLFÍ Hveragerði.
Selur nuddbolta miðstærð.Lavender og Lífið,Flúðabakki 2, 540 Blönduós.
Selur alla bolta.